"Простоквашино"ны судка бирәләр

Балалар да, өлкәннәр дә яратып караган “Каникулы в Простоквашино” мультфильмының дәвамын күрдегезме? Күрмәячәксез дә. Аның авторы Эдуард Успенский фильмның дәвамын төшерүчеләрне судка бирергә җыена.

– Аларның моңа хокукы юк һәм булмаячак та, – дигән ул.

Элегрәк “Союзмультфильм” студиясе Интернетта әлеге мультфильмның дәвамының беренче сериясен урнаштырган иде.

Ул күптән түгел вафат булган актер һәм режиссер Олег Табаковка багышлана. Матроскин аның улы Антон Табаков тавышы белән сөйли. Ләкин күпләр ремейкның элекке мультфильмнан күпкә кайтыш икәнен белдерде дә инде.