Уфада Рудольф Нуриевка һәйкәл булачак

Уфада күренекле балет артисты Рудольф Нуриевка һәйкәл куярга уйлыйлар.

Башкортстан башкаласында «Рудольф Нуриевка һәйкәл кую» объекты буенча инженер-эзләнү эшләрен башкаруга электрон аукцион игълан ителде. Шушы хакта дәүләт сатып алуларының рәсми сайтында хәбәр ителә. Бу эшкә Уфа бюджетыннан якынча 336 мең сум акча бүленәчәк.

Хәтерегезгә төшерәбез, моңа кадәр Казан архитекторлары бөтен дөньяда танылган балет артистына һәйкәл кую турында белдергән иде. Әле Татарстан башкаласында Зураб Церители эшләгән монументны кую өчен урын эзлиләр.

Фото: "Башинформ"