Йўллар сифати бўйича муаммолар ҳақида энди онлайн хабар бериш мумкин

Йўллардаги муаммолар ҳақида энди онлайн хабар бериш мумкин - Йўл-қурилиши ишлари сифатини назорат қилиш давлат инспекцияси махсус сайт очди ва мурожаатларни қабул қилишни бошлади.

«Йўл қурилишида сифатсиз бетон маҳсулотлари ишлатилганини кўрдингизми? Сифатсиз йўл қурилаётганининг гувоҳи бўлдингизми? Асфальт ётқизилган йўллар қисқа муддатди (6-10 ой) бузилиб кетганми?

Мурожаат қилинг. Мурожаатингиз жавобсиз қолмайди. Бизнинг вазифамиз халқимиз учун узоқ муддат хизмат қиладиган автомобиль йўлларининг сифатли қурилишини назорат қилиш», - дейилади сайтда.

Таъкидланишича, мурожаатни юбориш учун электрон рақамли имзо талаб этилмайди.