Самарқандлик янги келиннинг кирдикорлари

Яқинда Самарқандда кўнгилсиз воқеа содир бўлди. Янги келин қайнонаси билан жанжаллашиб қолди-ю, аламига чидай олмай, қўлига пичоқ олди ва қайнонани пичоқлаб ўлдирди. Бу билан ҳам тўхтамади. Ҳали вояга етмаган қайниси ёнида эди. Унинг кўмагида мурдани гиламга ўради-да, подвалга беркитди. Орадан маълум вақт ўтгач, жасадни Сиёб дарёсига чўктириб юборди.

Аммо бузоқнинг югургани сомонхонагача деб бекорга айтишмаган. Эри М ички ишлар ходимларига мурожаат этиб, онаси бедарак йўқолганини баён қилди. Қисқа фурсатда тезкор тадбир ташкил этилиб, аёл жасади дарё тубидан топилди. Шу аснода қотил кимлиги ҳам аниқланди.

Айни пайтда қотил келин қамоққа олинган. Ушбу факт юзасидан жиноий иш қўзғатилган. Тергов ҳаракатлари давом эттирилмоқда.