Несиемен өлшенген өмір.

Сесилия және Эд.
Сесилия және Эд.

1924 жылы миллион доллар табысқа кенелді деп жариялайды «Уильям Хирста»газеті.Сол жылдары АҚШ-тың әйгілі қылмыскері атанған Сесилия Кунидің ашық сұхбатынгазетке жазу арқылы.

Сот барысында Сесилия Куниден мамандығы жайлы сұрағанда, біраз үнсіз тұрып күдікті дауыспен «Бәлкім, кір жуушы, әлде» деп сөзін аяқсыз қалдырды. Кейінрек күлді де, көңілдірек«Қылмыскер!» деп бір ауыз сөз қосты.

Сегізінші. Белгілі болғандай, Сесилия Рот,  Нью-Йорк қаласының, Бруклин ауданында 1904 жылы отбасында сегізінші сәби болып дүниеге келген. 1922 жылы қыс мезгілінде Селия ұзын бойлы өзінен бірнеше жылға үлкен, шағын көлік жөндеу сервисінде автомеханик болып жұмыс жасайтын Эд Кунимен танысады. Олар үйленіп, кішкентай бөлмеде тұрып жатты. Эд бір айда 120 доллар, ал Селия одан да аз табыс табатын.

Кейінірек, Селия күйеуіне қымбат тон киюді армандайтындығын жасырмай айтады. Әйелінің бұл арманының орындалатындығына уәде берген Эд ертеңіне әйелімен Манхэттенның бесінші авенюда орналасқан дүкеннен әйелінің армандаған тонын несиеге алады. Ай сайынғы тонға төлейтін ақша жас жұбайлардың күнделікті табысына ауыр зардабын тигізді, кейінірек Селия өзінің жүкті екенін білді. Осыдан кейін ерлі- зайыптылар жоспар құра бастады. Эд әйелінен кез-келген дүкенге түсіп, содан түскен қаржыға екі тапанша сатып алу керектігін жасырмады. Белгіленген күні Эд өз бастығының гаражда тұрған көлігін алып шығып, оған өз қолымен жасаған жалған нөмерін орнатты. Осылайша отбасылы Кунилардың қылмыстық карьерасы басталды.

Сесилия және Эд.
Сесилия және Эд.

Несиемен өлшенген өмір.

1924 жылы  5 қаңтар күні кешкілік « Thomas Roulston» супермаркетіне қысқа шашты қыз келді. Қасында қолын қалтасына салған ұзын бойлы жігіт болатын. Селия тонау әрекетін кезекті көшеге шыққандай санады. Ол әдемі көйлегін киіп, шашын жинақтады, әлбетте, несиеге алған өзі ұнататын қымбат тоны да үстінде болатын. Үрей қорқынышсыз супермакетке келген Селия сатушыдан бір қорап жұмыртқа беруін сұрады. Кейінрек қалтасында жұмыртқаға төлейтін ақшасының жоқтығын есіне түсірген қысқа шашты қылмыскер қалтасынан қару алып шығудан басқа амал қалмағандығын білді. Сол сәтте қалтасындағы қаруды шығарып:

-Ақшаны әкел, тезірек –деп айқайлай жөнелді. Ойындағы жоспары іске асып, сол түні  ерлі-зайыпты Куниларар 688 доллар олжалады.

Газеттер бұл жас отбасының алғашқы қылмысын жарыса жазып жатты, ал олар бұған қатты масаттанды. Осыдан кейін Эд өзі уәде еткендей Бруклин ауданынан шағын үйді жалға алды. Ерлі-зайыптылар жиһаз дүкенінен өздері ұнатқан жиһаздарды алды, әрине, несиеге. Куни отбасы тонау әрекетінен кейін алдынғы қарызымен салыстырғанда екі есе қарызға кіргендігіне көз жеткізді.

Сол жұмыртқа тек профиль.

Бұл жолы тонау нысаны «Atlantic&Pacific»  дүкені болатын. 12 қаңтар ерлі-зайыптылар дүкенге келді. Әдеттегідей Селия сатушыдан бір қорап жұмыртқа беруін сұрап артынша «Ақшаны әкел»-деген сүйікті фразасын қосты. Ал Эд болса сатып алушыларға «Қабырғаға қарап, қозғалмаңдар!»-деп айғайлай жөнелді. Бұл жолы да ойлаған жоспарлары да іске асты. Ерлі- зайыптылар еш кедергісіз қылмыс орнынан із суытты. Бірақ, бұл жолғы табысы 113 доллар құрады. Қолдарындағы жеңіл тапқан ақшаға қанағаттан- баған ерлі- зайыптылар сол түні «Н.С» дүкеніне кезекті тонау әрекетін жасады. Ерлі-зайыптылар бұл дүкеннен 250 доллар олжалады, осы тонаудан кейін сәл үзіліс алу керектігін жөн санады. Десе де, ерлі-зайыптылар тонау әрекетінсіз өз өмірлерін жаңарта алмайтындығын білетін.                

Соңғы іс….

Наурыз айы. Қылмыскер ерлі- зайыптылар үшін Бруклин тарылып бара жатқандай сезілді. Эд соңғы тонау әрекетін жасап, өздерін ешкім танымайтын қалаға көшуге бел байлады. Отбасылы Куни Флоридаға көшуді армандады. Ыстық штат және ескі оқиғалардағы криминал әлемінің кейіпкерлері тыныштық тапқан қала. Бұл да Селияның ескі армандарының бірі болатын. Ерлі- зайыптылар кетуге нақты шешім қабылдады және кетпестен бұрын соңғы және қомақты қаржы әкелетіндей тонау әрекетін жасау керектігін ескерді. Осыдан түскен қаржымен Флорида штатында Эдке шағын көлік жөндеу сервисін ашып, ал Селия бала тәрбиесімен айналысамын деп шешті. Сөйтіп Эд батыл жоспар ойластыра бастады. Бұл жоспарда ол анасының үйіне орналасқан « National Biscuit» аталатын үлкен компанияны тонауды көздеді. Бұл сол жылдары барлық Америка штаттарына печенье сататын беделді компаниялардың бірі еді. Ал Эд, сол компанияға жақын орналасқан сервистте жұмыс жасайтын және де ол компания жұмысшылары қашан шығатынын, түнгі кезекте неше күзетші қалатынын жақсы білетін. Ерлі-зайыптылар жиһаз дүкендеріне несиеге алған жиһаздарын тапсырып, жалға алған үй иесімен де есептесіп, 1 сәуір ақымақтар күніне Флоридаға жүретін параходқа екі билет сатып алды, және сол күні ойланбастан жұмысшылардың жұмыс уақытының бітпегендігін ескерместен, компаниянның жұмысшыларға ақша беретін бөлмесіне кіріп келді. Ол бөлмеде кем дегенде жиырмаға жуық жұмысшы болатын, кассир мен машинистті коспағанда. Шегінудің кеш екенін сезінген қылмыстық жұп тапаншаларын шығара жөнелді.(бұл жерде кезекті фраза айтылған жоқ және Селия да әдеттегідей бір қорап жұмыртқа талап етпеді) Олардың дәл алдында ашық сейф тұрды, ал сейф ішінде 8 мың доллар болатын. Бірақ та ақшаға қол жеткізу оңайға түспеді. Сол жердегі кассирдің біреуі  Селияның қолындағы тапаншаға тап берді. Тапаншаны алмақшы болған кассир Селияны құлатып қаша жөнелді. Эд қашып бара жатқан кассирге оқ атты, ерлі-зайыптылар кассирді өлді деп ойлады. Қобалжып не істерлерін білмей қалған ерлі-зайыптылар жоспарларын ойдағыдай орындай алмады. Бақытына орай, кассир жеңіл жарақатанған болатын, осымен жолы болғыш ерлі- зайыптылар тонау әрекетін сәттсіз аяқтады. (жалғасы бар)...